رد الفنان أحمد سعد، على الانتقـــادات التي تعـــرض لها بسبب صورة جمعته بالداعية الإسلامي مصطفى حسني، خلال أداء صلاة الجمعة بالمسجد.
ونشر أحمد سعد الصورة عبر صفحته الشخصية بموقع “إنستجرام”، وعلق عليها قائلًا: “الجمعة اللي فاتت قابلت الشيخ مصطفى حسني بعد صلاة الجمعة واتصورنا مع بعض ونزلت الصورة، حكم الناس وتعليقاتهم كان هجـــومي جدا وكأن الجنة والنار اجتمعوا مع بعض في صورة واحده!”.
وأضاف: “قد إيه فرحنــي الشيخ مصطفى حسني لما قابلته الجمعة دي كمان وسألته أوعى تكون التعليقات ضايقتك ولو حابب أشيلها، قالي ازاي بتقول كده! أنت صحبي وحبيبي ويلا ناخد صورة كمان!”.
وتابع: “بيفـــرق أوي أن يكون في إيدك تكتب تعليق يجـــرح ويضـــايق حد وأنك يكون في إيدك كلمه حلوة تفرح بيها حد حتى لو مختلف عنك، شكراً يا شيخ مصطفى حسني على انفتـــاحك وتقبـــلك للآخرين زي ماهم وده دليل كبير أوي أنك حقيقي وأن المواعظ والمحبة اللي بتتكلم عنهم في خطبك حقيقي مش كلام بس، ويا ريت كلنا نتعلم نتقبل الآخرين أو على الأقل مانجـــرحش فيهم لمجرد اختلافنـــا عنهم وان علاقتنا بربنا شيء خاص جدا”.
وكان أحمد سعد تلقى انتقادات كثيرة بسبب ظهوره داخل أحد المســاجد وعلى ذراعة مرســوم “وشــم” كبير.
من ناحية أخرى، طرح أحمد سعد مؤخرا أغنية “الملوك” بمشاركة مطربي المهرجانات عنبة والدبل وزوكش.
