أعلن صديق الفنان المصري جمال يوسف، والذي يدعى خالد عبدالسلام، شفاء الفنان من مــ ــرض سرطان البلعوم.
صديق الفنان المصري، كتب على صفحته الشخصية بموقع “فيسبوك”:”بفضل الله وكرمه، تعافى صديق عمري الحبيب الفنان جمال يوسف من مـــ ـرض السرطان اللــــ ـعين، شكرا لكل الناس الطيبة اللي دعت له من قلبها”.
وتابع: “جمال من أطيب الناس اللي في العالم ده غير إنه ممثل جميل ودمه زي العسل، وبأمر الله كلها شهرين، وتنتهي مرحلة الاستشفاء التام ويرجع يملا الدنيا فن وبهجة”.
وأضاف:”مش قولت لك حتعدي بأمر الله يا جيمي؟ كانت تجربة صعبة وانت علمتنا فيها دروس كبيرة بصبرك وامتثالك لقضاء ربك، اللهم أتم شفاؤه على خير يا رب والحمد لله أولاً وآخراً”.
وفي أول تعليق للفنان جمال يوسف، عبر عن سعادته الشديدة بعد تلقيه خبر شفائه من مـــ ـــرض سرطان البلعوم.
وقال باكيا فى تسجيل صوتي:”الحمد الله يارب ألف حمد وشكر ليك يارب ربنا كبير أنا لسه واخد النتيجة بتاعت المسح الذرى الو رم راح والله شوفت حب الناس وشوفت الناس الطيبة وهما بيدعولى بلدنا حلوة وأهلها ناس طيبين”.
وأضاف:”ناس معرفهاش كانت بتدعيلى بشكر كل الناس اللى فى مقام أمى وأبويا وأهلى وأخواتى، لما الواحد كان يحس انه رايح فى حته وربنا يمد ايده ويقوله تعالى أنا هديك فرصة درس للإنسان”.
وتابع: “انا كلمت دكتور تامر نحاس ربنا يبارك والدكتور هشام عباس وأشكر الدكتور مجدى الشربينى اللى وقف معايا خطوة بخطوة وبتبعنى لحد دلوقتى الو رم مشى بس أنا هفضل تعــ ــبان شهر شهرين لحد ما اتعافى من اثر الكيــ ـــماوى”.
ووجه الشكر لكل من وقف بجانبه:” بشكر كل زملائى و أول ما دخلت البيت لقيت مكالمة من أستاذ صبحى الله على جمال الراجل أبويا و أستاذى ده قالى مش هتقوم بقى و نشتغل ولا هتستمــــوت فيها ربنا يخليك و نعمة الأب أنا بحبه حب غير عادى أستاذ وتاريخ ويسأل عليا و مهتم بيا فى كل أشغاله علمت أجيال واتعلمنا على ايديك وعرفنا يعنى ايه مسرح على ايديك”.
وأضاف: “المخرج أحمد مدحت ابن الراحل مدحت مرسى عاملت معايا كتير أوى وزملائى عمرو عبد الجليل وخالد عبد السلام وشريف عواد وياسر عزت ووفاء عامر ونشوى مصطفى وحنان سليمان وهشام الحصرى وهشام شريف وكل صحاب الجامعة وأهلى فى حلوان اللى يعرفنى وميعرفنيش داخل الاشاعه لقيت ست كبيرة معرفهاش بتدعيلى الناس تمشى تسلم عليا فى المعادى وتقولى بندعيلك قد ايه المصريين الطيبين ربنا كبير بشكر اختى المخرجة إيمان شعبان و سعاد الهجان و نهلة فاروق و أمل أسعد و قفتوا جنبى و مش عاوز انسى اسم”.
واختتم كلامه، بقوله:” اللى زعـــلان من حد يسامح.. الدنيا مش مستهلة انا حلوان ناس بتدعيلى معرفهاش وجروبات فى الجامعة عند بنتى بتدعيلى وناس فى السعودية بتكلمنى تدعيلى ربنا كبير أوى بس هو عاوزنا نقول يارب احنا عبيدك وانت رب الكون يعنى كنت من اسبوعين كنت عامل ازاى و دلوقتى بقيت عامل ازاى بفضل دعاء الناس متشكر لكل الناس اللى دعيتلى”.
