من حوالي سنة اتعرضت الفنانة مني زكي لهجوم شديد ولاذع واتصدرت التريند لفترة طويلة بسبب مشاركتها في بطولة فيلم أصحاب ولا أعز ..الفيلم اللي أعتبره كتير من الجمهور أنه بيناقش قضايا غير مناسبة للمجتمع الشرقي خصوصا أن قصته مأخوذ من أحد الأفلام الإيطالية و دور مني زكي فيه كان جرئ إلى حد ما .
و من حوالي شهر اتعرضت مني زكي لهجوم شديد تاني وذلك بعد عرض برومو مسلسل تحت الوصاية لاعتقاد البعض أن المسلسل قد يحمل إساءة للمرأة أو حجابها لكن بعد عرض المسلسل اتصدرت مني زكي التريند مرات كتير أخرى بس المرة ديه بشكل مختلف إشادات ومدح وتصفيق كبير و احتفال كأن الجمهور بيقول هي ديه مني زكي اللي اتعودنا عليها و حبينا أعمالها و أن الهجوم ده كان لرؤيتهم نجمتهم في دور مش معتاد منها .
مني زكي قدرت تفكر كويس و تختار عمل جيد و هادف وعلى ما أعتقد أن الاختيار مكنش سهل عليها خصوصا أنها كانت بتسعي لتقديم شخصية الحاجة صيصة السيدة اللي بتواجه متاعب كتيرة في الحياة لكن بتقدر على التحدي و بتشتغل و تكافح بس مع إصرار زميلتها روجينا على تقديم حاجه شبيها لكدة بمسلسل ستهم خلي مني زكي تفكر تدور على حاجة تانية و على قضية تانية و قدمت تحت الوصاية المسلسل اللي ناقش معأناة أحد السيدات التي تبحث عن رزق أولادها بعد وفاة والدهم .
مني زكي اللي جايز حسب رؤية البعض ماكنتش موفقة في أصحاب ولا أعز لكن قدرت تعمل ريمونتادا كبيرة في المسلسل الجيد جدآ تحت الوصاية
