كشفت الفنانة المصرية منة فضالي عن تعرض والدتها لأز مة صحية شديدة، مؤخرا وطلبت من جمهورها الدعاء لها.
منة نشرت صورة جمعتها بوالدتها، على حسابها على موقع “انستجرام”، وأرفقتها بتعليق مؤثر، حيث كتبت: “أنا طول عمري مفيش حد وقف جنبي ولا استحملني ولا شالني في أزم،،،،اتي ولا حبني غير أمي كلهم وقت مؤقت وبس وحفضل اقول كده لحد ما امــــوت”.
وتابعت: “معنديش أغلي منها في الدنيا ربنا يشفيكي ويخف من عليك ويطولي بعمرك انا من غيرك والله ولا حاجه ويجعل يومي قبل يومك”.
ووجهت الشكر لكل من سأل عن والدتها، بقولها: “شكرا للناس اللي سالت واسفه اني مبردش علي حد الضربات ورا من كل حته ربنا اللي يعلم ب الواحد للاسف بمر بأسو مرحله في حياتي بس ربنا كبير”.
واختتمت كلامها، قائلة: “ومش معني إني بضحك او بنزل صور أكون مبسوطه بلعكس احيانا الواحد بيعمل كل حاجه عكس علشان محدش يشمت في الآخر اقول الحمد لله”.
وكانت الفنانة المصرية منة فضالي، قد احتفلت في شهر فبراير الماضي بعيد ميلاد والدتها.
منة نشرت صورة معوالدتها، وعلقت: “أنا معنديش أغلى من أمي في حياتي حتى لو بجننها ساعات أو بعاند معاها، لأني بطبعي عنيدة جداً، بس الست دي تعبت جداً معايا من يوم ولادتي لحد دلوقتي في حاجات كتير جداً مهما أعملها مش كفاية عليها حاجة أبدا”.
وأضافت: “النهاردة عيد ميلادك؛ كل سنة وأنتي جنبي وسندي وحبي وصاحبتي اللي مليش غيرها وربنا يديكي الصحة ويشفيكي يا رب وميحرمنيش من ضحكتك أبدا عقبال 1000 سنة يا أمي بحبك”.
