أثارت مكالمة تلقت الإعلامية دعاء فاروق من متصلة في برنامجها، حالة جدل كبيرة، وذلك بعدما تحدثت السيدة عن قيامها بعمل سحر للتفرقة بين رجل وزوجته حتى تتزوج من هذا الرجل.
وأضافت أنها بالفعل نجحت في ذلك الأمر وبعد عدة أيام طلق الرجل زوجته وتزوجها، وعاشت معه عدد من السنوات وأنجبت منه طفلين توأم.
وتابعت أنه فجأة هجرها دون أي سبب واضح، فذهبت للرجل الذي عمل لها السحر، وقالت: “قاللي العمل اتفك لوحده من عند ربنا عشان كدة مبقاش طايقني ولا طايق العيال”.
وأكملت: “بس مش دي المشكلة الوحيدة ولكني كنت بكلم رجال آخرين أثناء زواجي، وبعد أن عرف زوجي بدأ يشك إن الولاد مش أولاده، وبيرفض يشوفهم”.
وقد تسببت هذه المكالمة في جدل كبير بين نشطاء مواقع التواصل الاجتماعي، واتهم البعض دعاء فاروق بفبركة المكالمة.
الإعلامية المصرية ردت على هذا الاتهام، بقولها: “لم أكن أتخيل كل ردود الأفعال اللي جت علي الحلقة اياها بتاعت السحر للست اياها منهم من قال وهو واثق قوى اننا مفبركين المكالمة .. وهو الشيء الذى لم يحدث وربنا عالم ويحاسبني علي مدى صدقي من عدمه”.
وأضافت: “ثم انا خيالي مهما كان واسع ومؤلفة جبارة مش هعرف اعمل السيناريو الجبار المذهل ده .. كنت اطلعها نادمانة طيب عشان يبقي الموضوع دراماتيكي مؤثر.. ده قلب موجة كوميدي والناس ضحكت عليه وعملوا نكت وافيهات اكتر من العظة اللي المفروض ياخدوها”.
وتابعت: “اما بخصوص الريأكشنات فانا مش قادرة افهم هي كان فيها ايه عشان يحصل كم ردود الأفعال الرهيب حواليها بالشكل ده لدرجة ان الناس فرغوها وعملوها ستيكرز وايموجيز وصحيت لقيت كل الناس باعتينهالي.. مشكرين علي كل هذا الاهتمام بالحلقة اللي تعدت السبع ملايين مشاهدة في أقل من يومين”.
