كشفت الإعلامية المصرية بسمة وهبة تفاصيل جديدة عن مرضها، وتطورات حالتها الصحية.

بسمة قالت، خلال لقائها في برنامج “mbc trending”:”أنا من محاربات السرطان وليس من المتعافيات فقط.. السرطان عدو شرس يحتاج إلى سلاح أشد قوة منه وهو الأمل والتفاؤل”.

وتابعت:”أنا يبان عليا اني في منتهى السعادة وشكلي قوية جدا لكن أنا حياتي كلها ابتلاءات، لكن اتعلمت منها أكون قوية ومتفائلة، وربنا بيبتلي اللي بيحبهم وعلى قد اليقين ده ربنا بيكرمك”.

وكشفت تفاصيل مرضها الأخير، بقولها: “أنا كان عندي مشكلتين ودول اللي ودوني لندن، الأولى إن من سنة بيحصلي حاجات كتير في معدتي، والثانية هرمونات نشطة بالرحم وليس ورمًا سرطانيًا”.

وأضافت: “روحت لدكتور الأورام وقالي لازم ناخد عينة وعملت العملية، وبعتبر نفسي حاليا اني تعافيت، وأول حاجة عملتها سجدت سجدة شكر لله”.

وكانت بسمة وهبة قد أكدت أن أزمة المرض أظهرت لها أصدقاء “بيظهروا في وقت الشدة”، على رأسهم شيرين كامل زوجة رجل الأعمال ياسين منصور، “شيرين ووقفتها معايا بتبين أن الصداقة مش بالسنين هي بالمواقف، مش بعرف أقلع السبحة الحلوة اللي هي ادتهالي”.

وقالت: “أكتر حاجة مبسوطة بيها، هي صديقتي شيرين كامل زوجة الأعمال ياسين منصور”، الصديقة الجميلة التي وقفت بجانبي بحب، الصداقة ليست بالسنين بل بالمواقف، “مش بعرف أقلع السبحة الحلوة اللي هي ادتهالي”، وعدت إلى مصر “عشان أقعد في حضنكم”، وأرافق جمهوري الذين هم جزء من قوتي، أنا قوية بفضل الله وبفضل الجمهور.

وأضافت: “منذ شهر ونصف وأنا أعاني، “بس ربنا خلاها خفيفة عليا”، أنا أحبكم واستمروا في الدعاء ليّ “كل واحد دعا ليّ بالخير ربنا يجعل الدعاء ده من نصيبه، أنا نفسي أسالهم، الكلام الحلو ده بتجيبوه منين، الأدعية الحلوة دي منين، الناس بتقولي إحنا بندعيلك، ناس كنت لا يمكن أن أتخيل أنها حلوة وبسيطة من جوة بتدعيلي”.

واختتمت “وهبة”: أعتقد أن الموجة الثانية من فيروس كورونا بدأت في بريطانيا، الوضع يشوبه توتر كبير وقلق وارتباك، قد يكون هذا من أهم الأسباب التي جعلتني اتخذ قرار العودة.