اعتذرت الإعلامية المصرية ريهام سعيد عن الحلقة التي قدمتها مؤخرا عن صيد الثعالب في برنامجها “صبايا الخير”، وأثارت انتقادات شديدة، تسببت في وقف برنامجها وتحويلها للتحقيق.
ريهام سعيد كتبت، على حسابها الخاص على موقع “انستجرام”: “علي اد ما زعلت اني اتهاجمت و اتجرحت كتير فرحت اوي ان ناس كتير بقت رحيمه بالحيوانات حتي لو مفترسه و خطر علي البني ادم . انا بعتذر علي اي مشهد في اساءه لاي حد و خصوصا الناس المهتمه بالرفق بالحيوان”.
وتابعت: “بعتذر اني تسببت في اي الم لاي حد فيكوا لكن لازم تكونوا متاكدين ان اشتغلت و اجتهدت وتعبت لمده ١٨ سنه و اكيد مش محتاجه اي شهره ولا مشاهده . الهدف الوحيد هو تقديم محتوي محترم صادق و مفيد . كنت عايزه اسلط الضوء علي مهنه الصيد الي موجوده في كل انحاء العالم بمميزاتها وعيوبها حبيت اقدم الحقيقه و ازود معلومه جديده لان هي دي نيتي بس انا مش بشتغل في مهنه الصيد و لا يمارسها لكن هي موجوده”.
وأضافت: “أي اتهامات انا هارد عليها الحلقه الجايه لكن المهم دلوقتي ان محدش يزعل مني لان اكيد كل الي اتقال ده مش حقيقه . انا عايزه اعيش في سلام و كفايه مشاكل . نفسي الي بيهاجموا و عمرهم ما اتفرجوا علي البرنامج يبتدوا يتابعوا يمكن تشوفوا اد ايه بنتعب و اد ايه حريصين ان احنا نقدم احسن حاجه”.
واستطردت: “انا اسفه مره تانيه والمره الي جايه هاحط في الاعتبار ان ساعات الحقيقه ممكن تجرح بس طلب اخير لما تلاقوا غلط انصحوا و صلحوا و ماتجرحوش لان اكيد الي رحيم بالحيوان هايكون اكيد رحيم بالبني ادم الي هو ربنا حطه في اعلي مرتبه . انا انسانه و اكيد الحكم عليه انا و عيلتي بالاعدام كل شويه مش عدل خصوصا ان طول الوقت في سوء تفاهم و لكن بيكبر نتيجه المشاهده العاليه . بتعرض لهجوم و اساءه رهيبه من غير ما حد حتي يعمل اعتبار لاولادي او امي”.
واختتمت بقولها: “من دلوقتي لازم نفهم اد ايه احنا بنتشاف و لازم نكون اد المسؤليه و حتي لو لينا اعداء متربصين . امشي عدل يحتار عدوك فيك . وعد مش هانغلط تاني سامحوني” .
وكان المجلس الأعلى لتنظيم الإعلام أصدر بيانا أكد خلاله أنه بحث الشكاوى المقدمة ضد برنامج “صبايا الخير” المعروض على قناة النهار تقديم الإعلامية المصرية ريهام سعيد، بخصوص ما ورد بالحلقة الخاصة بصيد الثعالب.
وقرر المجلس وقف برنامج “صبايا الخير” لحين انتهاء التحقيقات مع مقدمة البرنامج ريهام سعيد، والممثل القانوني لقناة النهار.
وكانت ريهام سعيد قد قامت مع فريق عمل البرنامج بالإمساك بثعلب صحراوي حي، ورصدت كيف يتم اصطياد الذئاب والثعالب وربطها بطريقة محددة منعاً للهرب، وقد أثارت الحلقة غضب عدد كبير من المهتمين بحقوق الحيوان، وطالبوا بمقاطعة برنامجها.
وبعد هذه الحملات، أصدرت شبكة قنوات “النهار” بيان اعتذار عن هذه الحلقة، حيث قالت في بيانها: “تعلن “شبكة قنوات النهار” اعتذارها للمشاهدين، عن حلقة أمس من برنامج “صبايا الخير”، والتي كان هدفها فقط هو تسليط الضوء على نشاط صيد الحيوانات في مصر، وتصديرها للخارج، وكذلك لكليات الطب في الجامعات”.
وأضافت: “وتؤكد “شبكة قنوات النهار” أن الحلقة تم رفعها من على جميع المنصات التابعة للشبكة بما فيها يوتيوب وسوشيال ميديا، وتشير الشبكة إلى أنها تأخذ بعين الاعتبار وتدعم حقوق الحيوانات لما لها من قيمة متأصلة في الحياة، أبرزها العيش دون قسوة ومعاناة، وحرصها كذلك على الدعوة لاتخاذ أي تدابير احترازية مرتبطة بحقوق الحيوانات، بهدف حمايتها وعدم ترويعها.
واختتمت القناة بيانها: “وكانت الشبكة قد تابعت باهتمام بالغ، ما نقله رواد مواقع التواصل الاجتماعي، خلال الساعات الماضية، وتقدر غضبهم على عرض مشهد الصيد”.
ومن جانبها، قررت ريهام سعيد الدفاع عن نفسها بنشر مجموعة صور لابنها مع الحيوانات، على حسابها بموقع “الفيس بوك”، وعلقت قائلة: “طول عمرنا الحيوانات جزء من حياتنا انا وعيلتي”.
