أثارت الفنانة المصرية عفاف شعيب الجدل على مواقع التواصل الاجتماعي بتصريح حول الأزواج الذين يساعدون زوجاتهم بالأعمال المنزلية، وخاصة غسل الصحون “المواعين”.

عفاف شعيب قالت: “البنات فين أهاليهم ما علمهومش بيتك ولازم تكوني نضيفة في بيتك وشكلك، في مثل بيقول في رجال وفي رج رج، الراجل اللي بيغسل المواعين ده يبقى رج رج أنصاف رجال يعني”.

وأضافت: “والبنات متزعلش، البنات تحافظ على بيتها وجوزها، وكفاية جواز وطلاق، يمكن هو طيب، ساعديه واتعاوني معاه، أنا مش ضد إنه يغسل المواعين بس في نفس الوقت متخليهوش كراجل تتقل قيمته”.

وتابعت:”الست ست والراجل راجل، الرجال قوامون على النساء بما أنفقوا، هو بينفق، ولو هي بتشتغل يفهموا بعض ويتعاونوا، في بنات بتطلق من تاني شهر ليه؟ حافظي على بيتك وخلفي عيل ولا عيلة، نسبة الطلاق عندنا بتزيد لأن مفيش توجيه صح”.

عفاف شعيب تعرضت لهجوم شديد على مواقع التواصل الاجتماعي من السيدات، خاصة أن الكثير رأى أنه أمر طبيعي أن يساعد الرجل زوجته في أي شئ يخص المنزل.

كما هاجمت الفنانة أيتن عامر هذا التصريح، حيث كتبت على حسابها بموقع “تويتر”: “ايه التصريحات العجيبة دى بس !!! مين قال ان اللى يساعد مراته فى ظل طحنة الدنيا دى يبقى انصاف رجال ؟!!”.

وتابعت: “الستات بيشتغلوا و ينضفوا و يطبخوا و يغسلوا وبليل مبيناموش ساعتين على بعض بسبب نوم الطفل المتقطع ولما الراجل يساعد نقول علية مش راجل !!!!! ايه دة بجد”.