قضت محكمة جنح الشيخ زايد غيابيا بحبس المنتجة سارة الطباخ سنتين مع الشغل، وكفالة ألفين جنيه، لاتهامها بتبديد مبالغ مالية للفنان محمد الشرنوبي.
ومن جانبه، قام محامي سارة الطباخ بتقديم معارضة على الحكم الصادر ضد موكلته، وحددت المحكمة يوم 7 فبراير المقبل لنظر المعارضة المقدمة.
وفي أول تعليق لمحمد الشرنوبي، قام بنشر نص الحكم، على حسابه الخاص على موقع “انستجرام”، وعلق قائلا: “الحمدلله الحق ظهر”.
وأضاف: “تم صدور حكم فى الجنحة رقم 1626 لسنة 2020 جنح الشيخ زايد بحبس الممثله القانونية لشركة ادارة اعمالي السابقه سنتين لتبديد المبالغ المالية التي في ذمتها بموجب التوكيل الرسمي و خيانة الامانة. اظن الصوره وضحت”.
وتابع: “انا كنت ساكت ومكانش نفسي الامور توصل لكده وكنت مقرر اني مش هتكلم تاني في الاعلام بس لقيت اصرار من الطرف الاخر انه يقحم الاعلام و يشوه صورتي قدام الناس. بس لو في حد واخد حق حد فا القانون والمحكمة قالت كلمتها”.
وأكمل: “الشركه كان صادر ليها توكيل بموجب العقد اللي بيننا لادارة اعمالي و بالتالي كانت بتتعاقد و تستلم كل مستحقاتي اللي هو الطبيعي انها تستلم و تاخد نسبتها و توردلي الباقي و ده مكانش بيحصل”.
واستطرد: “الممثلة القانونيه للشركة خانت الامانة و بددت كل اموالي اللي في زمتها واخر صلح سلمت الشركة توكيل على اساس اننا هنفتح صفحة جديدة وتعهدت انها هتسددلي كل فلوسي اللي في زمتها و ده مثبت في محضر الصلح في غرفة صناعة السينما و بالفعل نفذت المسلسل و برضه مخدتش فلوسي”.
واختتم كلامه، بقوله: “لكل شركات الانتاج برجاء عدم التعامل مع اي جهه او شخص غير من خلالي شخصيا و عدم الالتفات لاي تحذير او انذارات تصدر من الشركة لان ببساطة الهدف الوحيد هو تعطيل شغلي و تشويه صورتي و الحصول على مبالغ مادية بدون وجه حق”.
