عبرت ناهد شاكر، ابنة شقيق الفنانة المصرية الراحلة شادية، عن استيائها الشديد من شماتة البعض في وفاة الفنانة رجاء الجداوي، التي وافتها المنية متأثرة بإصابتها بفيروس “كورونا” المستجد.

ناهد شاكر، كتبت، على حسابها الخاص على موقع “الفيس بوك”: “طيب علشان الاخوان السفلة، وقهرتهم، بيتجننوا لما يشوفوا أي حاله حب او طاقة ايجابية .. عمرك شفت اخوانى سعيد ومحب وعطوف .. الا غل غل غل غل .. المهم ايوه الست ديه كانت محبوبة وبشكل غريب ورهيب”.

وكشفت ناهد سرا عن الفنانة الراحلة رجاء الجداوي، مؤكدة إنها هي من تواصلت مع الجهات المعنية لعلاج شادية في المستشفى العسكري، ولم تعلن  وقتهاعن هذا السر، في حين نسب آخرون الفضل لأنفسهم بغير حق.

حيث قالت: “شوفوا أنا مشفتهاش فى حياتى غير 4 مرات، ومنهم مره فى الجامع واحنا بندفن الحبيبة كانت جميلة وحزينة وجدعه بشكل، وهى اصلا كانت السبب فى دخولها المستشفى العسكري ومن غير ما احكي كتير ومقولتش كلمة فى الموضوع ده، مع ان ناس تانيه نسبوا الموضوع ليهم، بس هى كانت جدعة وبتعمل الخير من غير ما تقول، على طول كده مواقف اسمعها بتعملها وفى صمت، من غير منظرة”.

واضافت: “صحيت على الخبر قعدت أبكي بشكل هستيري.. وتانى قعدت ابكى عليها النهارده الفجر وادعي لها كأنها حد أعرفه كل سنين عمري.. كنت كل يوم الصبح افتح ادور على اخبارها علشان اطمن عليها أو أكلم أصدقاء مشتركين .. يطمنونى عليها.. او ادخل اشوف الاستاتس بتاع بنتها ونفضل ندعى لها”.

وتابعت: “كنت متمسكه بالأمل إنها ترجع لنا واحضنها وابوسها.. ليه؟؟.. ماتسئلش ليه.. هو ربنا لما بيحط الحب فى القلوب بسنتغربه ليه ؟؟.. هى محبتها فى قلوب ناس كتير اعرفهم مالهمش اساسا فى حاجة ولا يعرفوها”.

واختتمت كلامها بقولها: “بس ربنا أراد.. وأرادته خير.. كانت هاتفضل عايشه متعذبه متوجعه لأن المرض الحقير ده لما بيصيب عضو فى جسم الانسان بيدمره.. الست الجدعه الأصيلة.. كلنا بنحبك يا رجاء وهانفتكرك دائما بالخير . وبنتك هى بنتنا”.