دعا الفنان مصطفى درويش للصلح بين كل من مها أحمد وأمير كرارة وأحمد السقا بعد الأزمة الأخيرة التي أشعـ ـلت مواقع التواصل الاجتماعي في الساعات الماضية.
كتب درويش على صفحته الرسمية بموقع التواصل الاجتماعي Facebook وقال “طبعا ضد كلام مها احمد جمله وتفصيلا بس ملاحظ ان كله بقي بينزل صور للسقا وكراره ودعم وكده طبعا السقا وكراره دول ارجل خلق الله ومحدش في الوسط يختلف عليهم اللي يعرفهم واللي ما يعرفهمش، بس التمسو العزر لواحده قاعده في البيت مش بتشتغل وسيبك من ماديات وحال واقف ومصاريف وكده لا الشغل نفسه للممثل زي السمكه في المايه لما بيبعد عن الكاميرا التنفس بيروح ممكن يمـ ـوت”.
وأضاف قائلًا “فا بلاش نخـ ـلص علي بعض علشان كلمه او بوست اتقال اه غلط ومش حلو وكل حاجه بس اختنا وفضفضت الدنيا متقومش وكله ياخد صف السقا وكراره ويدوس عليه، نتقي الله في بعض علشان في يوم ممكن اي حد يكون مكانها ومش عارف يشتغل والدنيا تضيق بيه حتي من اقرب الناس ليه.”
وتابع قائلًا “وانا والله ما ليا علاقه لا بأحمد ولا كراره ولا اعرف مها بس انا من جمهورهم، وأنا متاكد ان السقا وكراره نفسهم ملتمسينلها العزر علشان هما رجاله واخلاق وبيفهموا اعملو حساب الزمن يا جماعه”.
واختتم كلامه قائلًا “كفايه سلـ ـخ في مها احمد قدرو الظروف شويه والنبي مش عايز خنـ ـاق في البوست ده مع حد في كومنتات والنبي ما تتعبوني دي وجهه نظري مش اكتر”.
وكانت الفنانة مها أحمد، قد كتبت عبر مواقع التواصل الاجتماعي عن الفنان أحمد السقا،:” بيني وبينه عيش وملح وزمالة، ورُشحت في مسلسل من بطولته، وكان بيقنعني بدور، ولما وافقت بعتولي دور تاني معرفوش، دور متعملوش واحدة مبتدئة، المفروض إنه عارف قيمتي الفنية وعارف إني إضافة له، اتهـ ـرب مني، وموقفش جنبى وباعني رغم إن الكل عارف إنى زي أخته”.
فيما كتبت” مها” عن الفنان أمير كرارة:” التاني كان في بداياته يتمنى يسلم عليا، ويقول لي يا أستاذة، نزلت من نفسي وقلتله مش هنشتغل مع بعض ما هي الحوجة مرة، رد وقالي الدور بينادي صاحبه، طبعا محكلكوش قد إيه ندمت نفسي، وعشت أسود أيام حياتي عياط واكتـ ـئـ ـاب، وقلت عوضي عليك يارب”.
وحرصت مها على عدم ذكر أي أسماء في منشوراتها ولكن شقيقة النجم أحمد السقا وجهت لها هجـ ـومـ ـا كبيرا عبر حسابها الخاص على مواقع التواصل الاجتماعي.
