تحدث الفنان الراحل عزت العلايلي، عن فيلم “الأرض”، والذي شارك فيه مع الفنان محمود المليجي، وعدد كبير من النجوم وهو من إخراج يوسف شاهين.
وقال عزت العلايلي، خلال مشاركته في فعاليات معرض الشارقة الدولي للكتاب عام 2016: “في يوم كان عندي ناس سهرانة ومشيوا متأخر والشقة كانت مبهدلة والصبح بدري لقيت الباب بيرن فتحت لقيت يوسف شاهين، دخل قال لي إيه الدوشة دي فرديت عليه قولتله معلش كان عندي ناس سهرانة، فقال لي عموما أنت هتمثل معايا في فيلم الأرض، حضر نفسك للتصوير، واتفقت فعلًا على الفيلم من غير حتى ما اقرأ السيناريو”.
وأضاف: “كانت أيام تصوير فيلم الأرض من أجمل لحظـــات وأمتع أيام عشتها في حياتي، كنا بنصور في الفيوم، الصبح تصوير وفي الليل أمسيات شعرية وسياسية وفنية مع فريق الفيلم والوفد الصحفي اللي كان معانا وقت التصوير، كانت شغالنا وقتها قضية النكسة والأرض”.
وحكى عن كواليس تصوير مشهد إنقاذ “الجاموسة” من الغرق في الساقية قائلًا: “كنا بنصور في شهر طوبة ويوسف شاهين مواعيده مش بتهزر والدنيا تلـــج، فاديت لفلاح فلـــوس وقولتله انزل كدة التــــرعة شوفلى عمق الميـــه راح ورجع قال لي: “خد فلــــوسك يا بيه الميه تلــــج هو أنت هتنزل هنا”، قولت له: “أيوه”، قال لي: “إزاى المية مليانة ديدان، مبقتش عارف أعمل إيه ولقيت يوسف شاهين ماســــك زجاجة قد صبـــاعه وينقــــط في الميه قولتله إيه ده يا جو قال لي: “مطهــــر”، ضحكت وقولت له: “ده اللي هيطــــهر يعني”، فرد: “يلا نــــط عشان نصور”، والمشهد ده خد تصوير نصف يوم”.
