حرص الموزع الموسيقي المصري الشاب نديم الشاعري، نجل الفنان حميد الشاعري عن الدفاع عن الفنانة حلا شيحة بعد الأزمة الأخيرة التي نشبت بسبب فيلمها “مش أنا” مع الفنان تامر حسني.
وكتب نديم حميد الشاعري، عبر حسابه في «فيس بوك»، قائلًا: «في بنات مش عاجبها كلام حلا شيحة، وده بقى قمة الإلحاد».
وتابع: «الجيل الجديد مش متقبل الستر، إلحقوا بناتكم عشان 10 سنين كمان مصر مش حتبقى بلد الإسلام باللي بنشوفه ده، بتتريقي على إيه يا بنتي؟!.. على الستر؟!.. انتي بس مش مصدقة في حد بالقوة دي وإنه ممكن يتغير للأحسن، ربوا بناتكم».
أوضح نديم وجهة نظره في منشور لاحق كتب فيه: ” عارفين اللى يرجع لربنا و بعدين ينساه تانى و بعدين يرجعله، مينفعش يتقال عليه معندوش مبدأ، ممكن نقول مكنش قوى كفاية”.
تابع: ” لكن اللى معندوش مبدأ فعلا اللى مش بيحس بالناس اللى تابت ويخوض فى أعراضهم بكل سهولة، ويقرر أنهم ناس وحشة”.
اختتم موضحا: “الناس دى متتعشرش عشان حيجوز عليك فى يوم من اأيام. احذروا المتقلبون والمتقلبات و فاقد الشىء”.
كانت الفنانة حلا شيحة هاجمت صناع فيلم «مش أنا»، بمجرد طرح أغنية «بحبك»، للنجم تامر حسنى، والتي حققت نجاحا كبيرًا بمجرد طرحها على موقع الفيديوهات يوتيوب.
وكتبت شيحة عبر حسابها على موقع تبادل الصور «إنستجرام»، معلقة على المشاهد المتفرقة التى تجمعها بالنجم تامر حسني: «أنا اتفاجئت جدا بنزول كليب يجمع مشاهد متفرقة من الفيلم في أيام ذي الحجة المباركة، وخصوصا بعد آخر بوست نزلته وضحت فيه أنا إيه، واتفاجئت أكثر خصوصا بعد وعد تامر حسني ليا وتأكيده إنه هيحترم رغبتي وبعض الطلبات اللي طلبتها منه بكل احترام، ورد الصيف اللي فات، وأكد لي أنه هيحترم رغبتى».
يذكر أن فيلم «مش أنا» حقق نجاحا كبيرا منذ طرحه فى دور السينما قبل أسابيع قليلة، وهو فكرة وسيناريو وحوار وبطولة تامر حسنى، وإخراج سارة وفيق، ويشارك في بطولته حلا شيحة، وماجد الكدواني، وسوسن بدر، وشيرين، وحجاج عبد العظيم، بجانب عدد من ضيوف الشرف، منهم إياد نصار، محمد عبد الرحمن، وعصام السقا، وتدور أحداثه حول حسن الذى يُصاب بمرض غريب يفقده السيطرة على يده، فيصبح مع مرور الوقت ضحية العديد من المواقف الصعبة والمحرجة، بينما يرفض كل من حوله تصديق حالته.
