‎ خضعت الإعلامية رضوى الشربيني، لجلسة تصوير جديد ونشرتها عبر حسابها الرسمي، وأحدثت بتعليقها تفاعل بين المتابعين.

وظهرت «رضوى» بإطلالة كلاسيك، إذ ظهرت مرتدية «بلوزة» حمراء وبنطلون من اللون الأسود، وعلقت على الصورة بعنوان «الجوازة المتأخرة أحسن بكتير من الجوازة الغلط»، وتفاعل معها المتابعون في التعليقات كان من بينهم الفنانة هنا الزاهد التي علقت قائلة: «قمر».

وكان من بين تعليقات المتابعين: «طب ما بلاش الجواز من أصله» «ما شاء الله تبارك الله» «سيدة النصائح الزوجية دون زوج» «منورة أوي يا قمر».

وكانت الفنانة السورية سارة نخلة فتحت النار على الإعلامية رضوى الشربيني بسبب نفس التدوينة التي نشرتها الأخيرة عن الزواج، الأمر الذي أثار حفيظة الأولى.

وقالت الفنانة والمذيعة سارة نخلة ردًا على تدوينة رضوى الشربيني: «وهي إيه عرفها إنه غلط؟، إحنا مش في أوروبا عشان نجرب قبل الجواز، الجواز تحديدًا مش بيبان خيره من شره إلا بعد الجواز أصلا، وبعد سنين كتير أوي، وفي منهم بعد شهرين بيبانوا، كلنا بنغلط وعادي جدا، الأحسن إننا نقول، مش عيب لو غلطنا، وأكيد ربنا شايل الأحسن، وعلى أساس إن الوحدة بس تكبر بيجيلها أحسن من اللي جالها وهي صغيرة».

وتابعت: «إحنا في مجتمع، لو الواحدة طلعت عن الـ30 يقولوا عانس وهي فاكرة نفسها إيه دي بايرة، الكلام سهل بس الواقع صعب أوي على بنات كتير، بترفعي سقف الطموح عند البنات اللي أصلا مش لاقيين راجل عدل لا وهما صغيرين ولا وهما كبار».

وعادت الإعلامية المصرية لترد على تعليق الفنانة السورية بقولها: «انتي عايزة البنات تجرب إيه قبل الجواز يا سارة بالظبط مفهمتش؟، ثانيا: أنا لا أعترف بكلمة عانس، أنا بصدق إنه الجواز رزق وإنه الرزق ده من عند ربنا، ثالثا: لو كل واحدة هتقول الكلام سهل مش هتختار، واللي هييجي قدامها هتتجوزه وخلاص، الحقيقة لو البنات فكرت زيك نسبة الطلاق هتزيد أكتر ما هي زايدة أساسا نتيجة التسرع والاختيارات غير المناسبة».