استنجدت الإعلامية المصرية أسما شريف منير برجال مصر لحماية النساء والدفاع عنهم ضد أي معتدي عليهن.
أسما كتبت، على حسابها بموقع “الفيس بوك”: “طلب وتوكيل عام لكل رجالة مصر، أنت حمايتي، خليكوا ضهرنا ابقوا سندنا، دافعوا عننا، جيبوا لنا حقنا، شرفنا هو عرضكم”.
وتابعت: “إحنا كلنا أهل ربنا وصاكم علينا، متأذنيش، احميني، طول عمرنا كمصريين معروف إن رجالتنا دمها حامي وولاد أصول وجدعان”.
وأكملت: “خلي العالم يعرف إن دينا هو السلام هو التسامح وإن الرجالة المصرية مفيش أقوى منها في الأخلاق والنخوة والتدين، متبقاش مسلم في البطاقة خليك مسلم في افعالك”.
وأضافت: “متخليناش نخاف منكم خليكوا رجالة نحترمها ونتسند عليها، أنتوا دلوقتي إخواتي وضهري وقوتي، وبطلب منكم إنكم تدافعوا عن أي ست وعني”.
واختتمت حديثها، قائلة: “أي حد يتعرض لي بأي كلمة أو فعل مش مسموح بيه في ديننا أو أنت مترضاهوش علي أختك أو أمك.. ادينا وعد قدام الناس وربنا وقول قبلت التوكيل”.
