قالت الفنانة شريفة ماهر، إنها تملك الجنسية السويدية لكن تفضل الإقامة في مصر دائمًا: «مش بطيق أقعد هناك شهر”، متطرقة إلى مشكلاتها مع أبنائها خلال الفترة الأخيرة.

وأضافت خلال حوارها مع الإعلامية بسمة وهبة مقدمة برنامج «90 دقيقة» على قناة «المحور»: «وزعت جزءا كبيرا من ميراثى، شريف وطارق شتمونى، شريف زقنى مرتين ودراعى اتكسر من 4 سنين، ولادى أخدوا كل اللي حيلتى».

وعن ابنتها ناهد، قالت: «مش حنينة، وقلبها جامد علىّ، أجمد من إخواتها، دى ما سألتش علىّ، وشريف طول عمره بيحب الفلوس أكتر من أبوه وأمه، بيعبد القرش».

اقرا ايضا  تعرفوا على نجل الفنانة شريفة ماهر.. ممثل شاب وشارك في هذه الاعمال

وأشارت إلى أنها اعتزلت الفن وارتدت الحجاب منذ 45 عاما، وأطلقت عددا من المشروعات العقارية، وعن ذكرياتها الفنية قالت: «فى فيلم أعز الحبايب شكرى سرحان ضربنى بالقلم وعينى جابت دم، وما بقتش أشوف كويس، ودلوقتى شريف ابنى استغل الحكاية دى، ومضانى على 4 عقود لأملاكى ما أعرفش فيهم إيه».

وتابعت: «مش هشتكيه، ربنا هيجيب لى حقى، أبوه قبل ما يموت قال لى هأمّنك عشان شريف لما أموت هياخد منك كل حاجة، وفعلا طول عمره بيعبد الفلوس، وما كنتش أتخيل إنه يعمل فىّ كده، ده بقاله 9 شهور ما قاليش انتى فين».

واختتمت بأسى: “ده طردنى من شقتى الإيجار، ودلوقتى قاعدة فى عمارة كاتباها باسم بنتى نيفين، وحد قال لى إن شريف طلب الفيلا من الشهر العقارى رغم إن نيفين مسجلاها، وفعلا استولى عليها وخان الأمانة».