أثار تعادل النادي الأهلي المصري مع فريق الجونة بأولي مباريات الفريقين بكأس الرابطة غضب الكثيرين من محبي وعشاق النادي الأهلي .
وشن العديد من الخبراء انتقادات واضحة علي المدير الفني للنادي الاهلي المصري بيتسو موسيماني .
و وجه بعض الخبراء انتقادات للمدير الفني وشهد البرنامج التحليلي لقناة اون سبورت جدلا كبيرا حول مستقبل المدير الفني للفريق .
منهم محمد فضل الذي قال، أن موسيماني كان اختياره عبقري في الوقت اللي جه فيه، وانا انت كنت مستني موسيماني اللي كان بيلعب كوره مع صن داونز ويجي يعمل كده بس معملش كده، وانا شايف الاهلي محتاج حد احسن من كده
ليرد عليه سيف زاهر : انت تقييمك للمدرب اداء فني ولعب حلو ولا بطولات
فضل : بطولات
سيف زاهر : والراجل تقريباً واخد كل البطولات
محمد فضل : بس خسر الدوري ودي بطوله كبيره بالنسبه للأهلي
بينما قال طه إسماعيل ، أنه كان سبب في ضياع الدوري في اخر 10 ماتشات .
وقال أحمد حسن : طيب وهو هيعمل ايه في ماتشات زي ماتش بيراميدز اللي متقدم لآخر الوقت وبغلطه بيراميدز اتعادل
و محمد زيدان : اي مدرب بيجي الاهلي مطالب انه ياخد الدوري، لكن الاهم والهدف الاول ياخد بطولة إفريقيا، والراجل ناجح فيها ودخل بطولتين خدهم .. زين الدين زيدان لما خد ٣ شامبيونز خسر في المقابل 2 دوري، فعادي موسيماني لما يخسر دوري في المقابل بياخد دوري بطولات افريقيا
و أحمد حسن : وليه نحمل موسيماني ضياع الدوري وفيه ماتشات كتير الماتش ضاع بسبب اللاعيبه، وبرده بسبب الإجهاد الناتج انه لسه بيلعب في إفريقيا وعنده ضغط ماتشات في المقابل المنافس قاعد مريح بيلعب .. وليه اصلا الكلام والتفكير في تغيير مدرب ناجح واجي لسه اشوف مدرب جديد منعرفش هينج ولا لا، الامر بالنسبالي مش منطفي
