حلت الفنانة منة عرفة، ضيفة ببرنامج “كلام الناس” تقديم الإعلامية ياسمين عز والمذاع عبر قناة “إم بي سي مصر”، للحديث عن آخر أعمالها الفنية وكواليس من حياتها الشخصية.

وعلقت عرفة عن مشاركتها في مسلسل إلا أنا بدور ثاني خلف الفنانة الشابة مايان السيد، قائلا:” كل الأدوار بتكمل بعض ومفيش حاجة اسمها دور اول ودور ثاني العمل يتكون من فريق ولا يقوم البطل بمفرده بكل الأدوار”.

وأكملت:” مايان السيد علاقتي بها جيدة وهي ممثلة موهوبة وسعيدة بالعمل معها، مضيفة:” مش بنفسن من مايان السيد وبشكل عام لا أغير من أحد”.

وكشفت منة عرفة عن حقيقة رفض زوجها دخولها مجال الفن، أوضحت منه عرفة:” جوزي مطلبش مني أعتزل التمثيل.. مفيش راجل ذكي يقول لمراته بطلي شغل”.

وقالت منة عرفة :”بقالي سنة متجوزة شرعا يعني عادي ان جوزي يجيلي البيت، موضحة: ” إحنا كاتبين الكتاب ولكن لسه معملناش فرح لحد الآن بسبب انشغالي وانشغاله”.

وعن حدودها التي سبقت وأن أعلنت عنها، قالت منة عرفة :”مش بحب البس هوت شورت وانا بمثل وأرفض مشاهد البوس عشان في المستقبل نظرات ولادي متضايقنيش”.

منة عرفة: «بحترم رأي إلهام شاهين لكن شايفة الفن حاجة كبيرة من إننا نلخصها في حتة معينة»

و ردت الفنانة منة عرفة على تصريح الفنانة إلهام شاهين بأن الفنان الذي يقول «مش بتباس أو بتحضن» ليس بفنان، وعليه العمل في مجال آخر غير الفن، قائلة: «هي مرتدش عليا أنا بشكل شخص، هي بتقول على الفنانات اللي بيقولوا كده».

أحترم رأي إلهام شاهين وكل فنان له مبادئه

وأضافت «عرفة»، خلال لقاء ببرنامج «كلام الناس»، المذاع على شاشة قناة «mbc مصر»، وتقدمه الإعلامية ياسمين عز، اليوم الخميس، «أنا بحترم رأي الفنانة إلهام شاهين، زي ما بطلب من الناس إنها تحترمني وتحترم رأيي، بس أنا شايفة إن الفن حاجة كبيرة في إننا نلخصها في حتة معينة، وكل فنان عنده مبادئه والحاجة اللي مقتنع بيها ومؤمن بيها».

وأشارت إلى أن كل إنسان حر في رأيه، وأنها تحترم الآراء الأخرى ولكن لديها مبدأ: «كل واحد حر في رأيه وأنا بحترم الرأي الآخر، والفنانة إلهام شاهين عندها رأيها ومبادئها والحاجات اللي بتؤمن بيها أو شيفاها تمام، زي ما أنا عندي مبادئي والحاجة اللي شايفاها مينفعش أعملها».

محدش يحاسبني على حياتي الشخصية

وأوضحت أنها حريصة بأن يكون الأرشيف الفني الخاص بها يحتوي على مشاهد محترمة: «مش معنى كده إني مش بروح البحر وبتبسط وبعيش حياتي وبروح حفلات، بعمل اللي أنا عاوزاه، بس طالما فيه حاجة هتروح للأرشيف بتاعي ليه متكونش الحاجة دي محترمة».

وأفادت بأنها تطلب بألا يحاسبها الجمهور على حياتها الشخصية ولكن يحاسبها على أعمالها وفنها فقط : «أنا مؤمنة إن الفنان أو الشخصية العامة من حقه يعمل شخصية لنفسه وعاوز يبينها للناس، هل أنا عشان أكون حقيقية أطلع وأقول بعمل حاجات غلط؟.. الناس ملهاش دعوة، أنا كل الناس ليها عندي إني أقدم ليهم فن أو مسلسل أو فن، بس محدش يحاسبني على حياتي الشخصية عشان أنا مش بقدمها لهم».

وعن رأيها في دور الفنانة مني زكي في فيلم أصحاب ولا أعز وإمكانية قبولها الدور لو عرض عليها، قالت منة عرفة: “أرفض الرد ومعرفش بكرة فيه إيه انا بتغير يوم عن يوم”.