حلت الفنانة منى زكي، ضيفة في لقاء تليفزيوني قديم على فضائية دريم من تقديم الإعلامي محمود سعد، حيث تحدثت عن سبب عدم كتابة سيناريوهات تستهدف الفنانات مثلما يحدث مع الفنانين، وكشفت أيضًا حقيقة الشائعات حول خلافها مع الفنانة حنان ترك.
وقالت الفنانة منى زكي:”بدأت اقعد مع كتاب سيناريو واتناقش معاهم في فكرة إن لازم يكون في سيناريو تكون الممثلة البنت هى العمود الفقري بتاعه ولكن الرد كالآتي انتو عندكوا ايه تتكلموا عنه كبنات.. فأنا لما اترد عليا كده فحسيت إن أنا مينفعش أكمل الحوار خلاص”.
وأجابت منى زكي عن سؤال: “هل هناك بينك وبين حنان ترك أية مشكلات نظرًا لحدة المنافسة الفنية بينكما؟”، قائلة: “مفيش بيني وبين حنان أي مشاكل وموضوع الشغل أنا مؤمنة جدًا إن هو نصيب وكل واحد ليه رزقه ومحدش بياخد رزق حد”.
وعلقت منى على كلام الإعلامي محمود سعد حول اهتمام جميع الممثلين حاليًا بجمع الإيرادات وأنها تمثل الهدف الأول من العمل، قائلة: “أصل لو الممثل هيفكر بالطريقة دي يبقى هو شايف نفسه سلعة وأنا مش شايفة إن أنا سلعة، أنا شايفة إن أنا بعمل حاجة بحبها وأضيف لها وتضيف لي”.
