الفنانة بوسي تفتح النار على والدها:
– دلوقتى افتكرت ان ليك بنت؟!!؟ انت مطلق امى وهى حامل فيا فى شهرين وانا خيلانى هما اللى ربوني وكنت بقولهم يا بابا!
– انا عمرى ما كنت ست وحشة ولا قاسية وما رميتكش زى ما انت رميتنى أنا لحد دلوقتى سايباك قاعد فى شقة المرحومة امى انت مش مرمي فى الشارع عيب!
– انا كنت ببعتلك فلوس وبساعدك والاقيك طالع بعدها بيومين بالظبط تشتمنى وتقول بنتى مش بتسأل عليا ومش بتبعتلى فلوس !!
– انت لو أب فعلا عمرك ما هتطلع تشهر ببنتك أو ابنك قدام الناس!
– انت عمرك ما كنت موجود فى حياتى اصلا عشان ابقى حنينه معاك وانا عمرى ما حسيت انك ضهر ليا حتى بعد وفاة امى ما وقفتش جنبي ولما كنت بتيجى كنت بتيجى عشان تاخد منى فلوس من شغلى فى الأفراح!
– حتى بناتك اللى من زوجه تانيه اللى كانوا عايشين معاك انت عمرك ما صرفت مليم على واحده فيهم وكانوا بيشتغلوا وبيشقوا علشان يجهزوا نفسهم ويتجوزوا!
– الناس خلاص عرفت حقيقة الابتزاز اللى انت بتعملة معايا وانا عارفه مين اللى بيحرضوك ضدي!
