حل كل من حسن شاكوش وحمو بيكا، الليلة، ضيفين علي الإعلامية ياسمين عز، في برنامج كلام الناس، المذاع عبر قناة إم بي سي مصر، للحديث عن أزمتهما مع نقيب الموسيقيين، ومنعهما من الغناء.

وقال حمو بيكا في حواره : نقابة الموسيقيين صرحت لكل المطربين بالغناء عداي أنا وشاكوش، وتابع : عايز أدخل النقابة بجمهوري مش بصوتي، أنا ليا جمهور كبير، وراجل مؤدي ومش لازم أكون كروان علشان أدخل النقابة.

وقال حسن شاكوش : نقابة الموسيقيين تقوم بالتمييز في التعامل ولا تساويهم بمطربين آخرين يقدمون نفس المحتوى.

وتابع شاكوش : حمو طيب مشكلته إنه بيقول أي حاجة، علشان كده بقول ساعات مش هكلمه تاني، بس لما بشوفه لوحدي بضحك، وأنا من النوع اللي مش بعرف أشيل من حد، وإحنا على طول بنسأل على بعض، حتى لو شوفت له صورة على الفيس بوك بدخل أعلق له، وأمنية كتير من الناس ومنهم بعض الفنانين أن حسن شاكوش وحمو بيكا وعمر كمال يبعدوا عن بعض.

وأضاف : فيه فترة بعدنا عن بعض شوية، وأمنية حياة كتير من الناس إن حمو وحسن شاكوش وعمر كمال يبعدوا عن بعض، فيه ناس بيغنوا ومطربين أمنيتهم إن إحنا التلاتة نتفرق، عشان إحنا عاملين قلق، والحمد لله أغانينا معروفة وبأرقام، وفيه ناس مش بتنام بسببنا.