الحقد والغيرة سيطروا على البشر.. صفحة حمو بيكا تهاجم المتنمرين والشمتانين في مرضه
نشرت الصفحة الرسمية لمؤدي المهرجانات حمو بيكا عبر موقع التواصل الاجتماعي انستجرام.
وكتبت : بجد شكراً جداً للناس اللي بتتنمر والناس اللي شمتانه والناس اللي فرحانه في المرض .. بدل ما تدعوا لحمو دعوة كويسة وتتمنوله يقوم بالسلامة .. بتتنمروا عليه وشمتانين فيه .. بجد عمرنا مهنرتقي ابداً ولا هننضف ولا نعرف نتمني الخير للناس ابداً .. الحقد والغل والغيره بقو مسيطرين على البشر بطريقة غريبة .. حسبي الله ونعم الوكيل في كل واحد بيعمل كدة بجد.
وكانت الصفحة الرسمية لمؤدي المهرجانات حمو بيكا قد نشرت عبر موقع التواصل الاجتماعي فيسبوك ، صورة له خلال تواجده في المستشفي .
وعلقت الصفحة علي صورة حمو بيكا قائلة : إدعو لحمو بيكا يقوم بالسلامة يا جدعان .. وحسبي الله ونعم الوكيل في اللي كان السبب !.
وحل مطرب المهرجانات حمو بيكا رفقة حسن شاكوش، ضيفين على الإعلامية ياسمين عز، مقدمة برنامج كلام الناس، المذاع عبر قناة إم بي سي مصر؛ للحديث عن أزمة منعهما من الغناء، وأيضا عم آخر أعمالهما الفنية.
وانهار حمو بيكا، على الهواء، في أثناء حديثه؛ بسبب عدم حصوله على ترخيص بالغناء، ورسوبه المتكرر في اختبارات نقابة المهن الموسيقية، مرددا: بقول لنقابة الموسيقيين، اعتقوني لوجه الله، أنا قرَّبت أصرخ في الشارع من كُتر الظلم.
وتابع حمو بيكا: محدش حاسس باللي أنا فيه، مش هدخل اختبارات نقابة الموسيقيين تاني.
وأضاف: رفعت قضية كبيرة على نقابة الموسيقيين، وهقول أسماء كل اللي ظلموني، أنا كنت بدفع مبلغ 15 ألف جنيه للنقابة، وكنت باخد إيصال بـ3 آلاف جنيه فقط، وكنت برضى؛ علشان عايز أشتغل
من جانبه رد المايسترو أحمد رمضان سكرتير عام نقابة المهن الموسيقية، الجمعة، على هجوم مطرب المهرجانات الشعبية حمو بيكا، قائلا إنه لم يجتاز اختبارات اللجنتين الذي شارك من خلالهما، قائلا: «إزاي النقابة هتعند مع حمو بيكا وهو دخل مرتين اللجنة ويسقط».
وقال «رمضان» في تصريحات : «النقابة بتعمل لجنة للمطربين وحمو بيكا لم يجتاز ولا لجنة من الاثنين الذي شارك بهم، يعني انت شخص داخل امتحان غناء من المفروض تكون داخل مجهز هتغني ايه، يعنى هتغني ام كلثوم أو غيرها، لازم تكون جاهز، ويدل على ذلك الكلام، الفيديوهات اللي عمال ينزلها على صفحته الخاصة وهو بيتمرن مع عدد من صناع الأغنية»
وأضاف: «إزاي النقابة هتعند مع حمو بيكا وهو دخل مرتين اللجنة ويسقط وبيروح بعد المرتين لاستاذ غناء، وكمان عمال يتمرن، النقابة مبتظلمش حد اللي مفروض ينجح هينجح من غير ظلم».
واختتم: «ايضا هيتم تفريغ الحلقة التي أذيعت اليوم ونشوف الكلام اللي قاله حمو بيكا حصل صح ولا لا»
