حل أشرف عبدالباقى، أمس، ضيفًا على برنامج هنيدي شو، الذي يقدمه محمد هنيدي على قناة المحور، وتحدث خلال اللقاء عن كواليس فيلم صاحب صاحبه، الذي شارك هنيدي بطولته، بجانب عدد من ذكريات طفولته التي يكشفها لأول مرة.
وقال أشرف عبدالباقي : اتثبت وأنا صغير بالعجلة في الشارع، كنت وقتها لسه داخل ثانوي ورايح بالعجلة مدرسة النقراشي الثانوية، طلع عليا اتنين أخدوا مني العجلة، وعن شخصية جاد التي قدمها في الفيلم تابع : شخصية البخيل تختلف من شخص لآخر، وهو يعتقد أنه حرص وليس بخل.
وعن صفات جاد التي كانت قريبة منه، أضاف : الصداقة، وخوفه على صديقه خاصة بعد مرضه مثلما أقنعه وقتها، وفكرة إنه ممكن يعمل أي حاجة علشان صاحبه يخف، ودي مش عندي بس دي عندنا كلنا، وأضاف : مشهد زواجي والدتي في الفيلم من جد هنيدي لسه مضايقني لحد دلوقتي، وإحنا عملنا نفسنا أولياء أمور.
وعن علاقته بـ كرة القدم قال : مكنتش بلعب كورة، وصحابي مكانوش بيلاعبوني معاهم لأني مبعرفش ألعب، لو حد دخل عليا بياخد الكورة، علشان كده كانوا بيوقفوني جون وبرضو فشلت، واشتريت صفارة علشان أبقى حكم قالوا مش عايزين تحكيم، علشان كده أنا مريح دماغي من الدوري والكأس والمباريات.
