مواقف إنسانية لـ أحمد السقا مع زملائه وجمهوره.. «رجل الواجب»
وقت وفاة الفنان خالد صالح في 25 سبتمبر 2014، سافر السقا إلي أسوان لمرافقة جثمان صديقه إلي القاهرة، وحرص علي النزول إلي القبر لدفنه بعد أداء صلاة الجنازة عليه في مسجد عمرو بن العاص.
فوجيء السقا أثناء مروره بسيارته بانقلاب سيارة علي طريق مصر إسكندرية الصحراوي، وكان جواها بنتين والعربية كانت هتنفجر لإن البنزين كان مغرق الأرض، فنزل من عربيته وخرج البنتين، وطلب من كل الناس اللي اتلمت يبعدوا، ولكن العربية انفجرت بعد خروج البنتين منها.
السقا كان الممثل الوحيد اللي حضر جنازة الفنان الراحل أحمد رمزي، ونزل دفنه بإيده إيفاءاً بوعده له إنه مش هيسيبه لحد آخر يوم في عمره.
السقا كان بيعتبر هيثم أحمد زكي أخوه الصغير، وعلشان كدة كان في حالة صدمة لما عرف بوفاته، فحرص علي دفنه داخل المقبرة مع والده أحمد زكي والفنان ممدوح وافي، رحمهم الله.
استجاب السقا لطلب الطفل «كريم» اللي كان بيعمل عملية خارج مصر، وده بعد ما شاف حلقة الطفل مع الإعلامية ريهام سعيد، وبدورها تواصلت معاه وحرص علي استقباله في مطار القاهرة لدعمه معنوياً.
