لاصوت له ونجح بالعضلات والظهور مع الفتيات مفيد فوزي يفتح النار علي عمرو دياب والجمهور يرد
هو واضح إن الكسفة اللي كسفهالك من 34 سنة مزعلاك أوي والناس كلها شافت مين فيكم اللي كلامه طلع صح ومين اللي غلط.
وموضوع العضلات ده يا أستاذ عيب أصلاً تتكلم عليه زي ما عيب حد يطلع يتكلم على نحافة عبد الحليم مثلاً كميزة أو كعيب أو بإستهزاء زي ما أنت ما بتعمل! وأغلب اللي بيغنوا دلوقتي بقوا بعضلات وقلدوا عمرو دياب!
وكون إن المذيعة اللي قاعدة قدامك بتكلمك على أغنية بقالها 30 سنة وهي فاكراها في حدث مصري إفريقي مهم تبقى علمت والناس فاكراها وعاشت وأنت بتقول أي كلام.
عمرو دياب غنى:
أيام محاولة اغتيال الرئيس المصري الأسبق وأنت سجلت معاه في الهرم
وغنى في احتفالات نصر أكتوبر أمام رئيس مصر أكتر من سنة
وغنى في اليوبيل الذهبي للقوات الجوية المصرية
وغنى في احتفالات نصر أكتوبر في قاعة الماسة سنين برضه
وغنى في افتتاح أهم بطولة نظمتها مصر إفريقياً دورة الألعاب الإفريقية 91
وغنى مصر أيد تبني لولادنا حلم بكرة والسنين
وغنى مصر قالت صوت ولادي كلمة الحق في بلادي
وغنى يا مصر تملي عالبال يا ساكنة جوا وجداني
وغنى قلبي على أرض سينا رفرف زي العلم.. في يا بلدنا يا حلوة وفي نفس الغنوة غنى للصعيد اللي سيادتك بتتمسح فيه وقال في وشوش سمرا وجميلة تقابلهم تبتسم….
وغنى لفيت بلاد ومشيت بلاد وفي قلبي صورتك جوايا
وغنى للقاهرة ونيلها
وغنى إزاي حننسى في بعدنا شيء كان بيجري في دمنا
وغنى مالكيش في الكون بديل
وغنى بلدنا الليلة قد بلاد العالم وكانت الأغنية اللي موجودة والرئيس بيكرم المنتخب على صعوده لكاس العالم
وأكتر منهم اللي مباشر واللي مش مباشر ويصعب عليك فهمه وكل ده كان لمصر مش لمدغشقر وأنت بتزايد وخلاص!
المهم خش أكتب اسمك عاليوتيوب هتلاقي أول نتيجة بحث اسمك جنب عمرو دياب وهو بيراهن على اللي المستقبل وبيكسب وأنت بتراهن على الماضي وبتخسر والناس بتخش تدور علشان تضحك عليك وتسقفله ????
