علقت الفنانة شيرين رضا، على الانتقادات التي تتعرض لها نجوم الفن، بسبب المشاهد الساخنة بالأعمال السينمائية والدرامية.

وقالت «رضا» خلال مقطع فيديو متداول لها على هامش حضورها حفل توزيع جوائز إحدى المجلات بالإمارات: «ما تزعلوش مننا، الناس بتنتقد الفنانين، لكن مش عارفين إيه اللي بيحصل فينا ورا الكاميرا، المشاهد مش حقيقية».

وتابعت: «هما بيشوفوا المشاهد بس، أنا مش مبسوطة إن الناس بتنتقد الفنانين، إحنا في الآخر بنقدم فن، وعيب إن احنا نتشتم».

وأكملت: «أي حاجة بتحصل في العمل بيكون ليها داعي، والمخرج هو اللي بيتحكم في كل حاجة، وفي الآخر الحاجات دي بتحصل في الدنيا ولا لاء، ويارب تتفرجوا على كل حاجة، ويارب كل حاجة تعجبكم لأننا فعلا بنتعب، أنا بهزر لما بقول متتفرجوش على حاجة تاني»

وتشارك شيرين رضا في مسلسل شغل عالي مع الفنانة فيفي عبدة، ويعرض المسلسل في الماراثون الرمضاني المقبل 2022، وهو من بطولة مروان يونس، كريم سرور، بسمة داود، توني ماهر، وعدد آخر من الفنانين، وهو من تأليف حسين مصطفى محرم وإخراج مرقص عادل