انتقــدت الفنانة المصرية رجاء حسين، إطلالات الفنانات خلال دورات المهرجانات السينمائية في الفترة الماضية.
وقالت خلال حوارها ببرنامج “الستات”، مع الإعلاميتين سهير جودة، ومفيدة شيحة،المذاع عبر فضائية “النهار”: “أرفض العــ ـري والإسفـــاف رفضًــا مطلقًا، أنا ست شرقية واللي بيحصل ده حــرام وميرضـــيش ربنا، عمرنا ما سمعنا أن فنانات زمان كانوا يظهرن بهذه الطريقة”.
وأضافت “أنا دقة قديمة وشوفت السيدة فاتن حمامة لما كانت بتحضر مهرجانات، كانت ملابسها محترمة وإطلالتها أنيقة”.
ووجهت الفنانة رجاء حسين، رسالة لرجال الأعمال: “ابعدوا عن السينما والفن، اللي بيحصل حاليًا تجارة، ولا يمت بصلة للفن المصري، وأرفض تعبير أنه يمثل مصر”، متسائلة: “هو اللي كان بيحصل في المهرجانات كان يعجب حد؟”.
وتابعت: “ده رأيي ومش هخالف ضميري وأقول كلام عكسه، وبعدين خســارة فيهم الكلام، ده مش مهرجان سينما ده عرض أزياء”.
اشتغلت من صغري عشان أساعد والدي في تربية اخواتي
كما كشفت خلال الحلقة أنها بدأت رحلتها الفنية في سن مبكرة، مضيفة: “اشتغلت في المسرح والسينما في سن 17 سنة، عشان أساعد والدي في تربية إخواتي، مكنش معانا غير معاش والدي وكان لازم أشتغل علشان أصرف على إخواتي وأجوزهم”.
وأضافت: “جوزت كل إخواتي وللأســف كلهم مـــاتوا قبلي وحضرت غسلهم ودفنـــهم، وكنت دايمًا أسأل نفسي ليه كلهم سابوني ومشيوا قبلي؟”.
وتابعت: “أنا بحب أعمل كل حاجة في بيتي بنفسي، من أول الطبخ وحتى فنجان القهوة، بحب أطبخ وأغسل وأعمل كل حاجة في البيت”، متابعة: “أعشق الكشري والمسقعة وبحب اعملهم بإيدي”.
