حرصت الإعلامية المصرية مي حلمي على حضور حفل زفاف العروس، التي تبرعت لها بفستان زفافها.
مي نشرت مقطع فيديو، جمعها بالعروس من الحفل، على حسابها الخاص على موقع “انستجرام”، وقالت لها خلال الفيديو: “أنا فرحانة أكتر منك إنك قبلتي تلبسي فستاني.. أقسم بالله حاسة أنه أحلى عليكي.. قمر”.
الإعلامية المصرية علقت على الفيديو، بقولها: “من قلبي فرحانة إني رايحة فرح سهام.. وانها قبلت تلبس فستاني.. بشكر كل الناس الي ساهمت في الفرح من غير مقابل عشان يفرحو شخصين”.
وأضافت: “دي العروسة سهام اللي كسبت في مسابقه فستان الفرح.. اقسم بالله الفستان عليكي احلي مني ربنا يباركلكم في حياتكم”.
يذكر أنه بعد طلاق مي حلمي من الفنان محمد رشاد، أعلنت تبرعها بفستان زفافها الثاني، والذي وصفته بأنه الأقرب لقلبها.
مي نشرت مقطع فيديو لها وهي تحتضن فستانها، وعلقت: “المره دي غير قررت اهدي فستان فرحي لعروسه هتتجوز قريب ايوه فستان من فساتيني هدية بما إني أكتر عروسه لبست فساتين فرح لنفس ذات الفرح”.
وأضافت: “فقررت أهدي فستان منهم وخصوصا أقربهم لقلبي لحد يكون قرب يتجوز حد يكون ناقصه فستان الفرح بما إني عارفه معاناة فستان الفرح عامله ازاي ، الفرحة مش اني أركن الفستان فوق الدولاب بعد الجواز الفرحه اني افرح غيري بأغلي حاجه عندي”.
وتابعت: “اه ليه ذكري حلوه بس انا لبست بدل الفستان أربعة ايه المشكله أما أهدي حد فستان من ٤ وياريت كلنا نعمل كده مدام مش هنلبسو تاني نفرح غيرنا.. مش بس فستان.. الفوتوسيشن كمان هديه : المصور @forsh_focus_photographer والمكياج كمان هيكون هديه،،،،، واسمحولي احضر الفرح لو مش هضايقكم.. الفستان تصميم @ghaly_official1”.
وبعد عدة أيام نشرت مي صورة مع عروستين ستتبرع لهما بفستان زفافها، وعلقت قائلة: “الي بيقعدلك في الدنيا عملك الطيب وسيرتك الحلوه بين الناس، دول سهام ودينا العروستين الي هنعملهم فرحهم من قلبي بشكركم انكم رضيتم تلبسو فستاني”.
وأضافت: “اما بقيت الفرح كل الناس الي هعملها منشن دي طلبو يساعدو معانا في فرح سهام ودينا اه وامينه هتغني في الفرح وانا اول المعازيم ربنا يهنيكم”.
