قال المنتج جمال العدل، إن الفنان عادل إمام هو أكبر وأهم وأعظم فنان في تاريخ مصر، موضحًا: “أتمنى يجي زيه، لكن معتقدش إن هيجي زيه”.
وأضاف العدل، في حواره ببرنامج “العرافة”، مع الإعلامية بسمة وهبة، والمذاع عبر فضائية “المحور”: “لما قعدنا عشان نشوف هنعمل ايه، كان عاوز يشتغل بنفس الشكل اللي شغال بيه، بنفس المخرج والمؤلف ونفس الناس، كنت عاوز أضيف وأغير وأحس إني مختلف عن المنتج اللي كان معاه”.
وتابع: “أنا مفتقـــد لعادل إمام، وشايف إنه معدي أي حاجة، أنا نـــدمان إني معملتهـــوش أي حاجة، ودلوقتي ممكن اوافق باللي يقول عليه، خــدتني العزة بالإثم، وكان نفسي أعمله حاجة مختلفة شوية”.
حنان مطاوع وروجينا لم يأخذوا حقهم
وأضاف أنه يتمنى العمل مع الفنانة روجينا، والفنانة حنان مطاوع، موضحًا: “الاتنين ممثلين جامدين جدا ومأخــدوش حقهم.. والظروف الإنتاجية مش خدمـــاهم، موهبتهم أهم من كده”، مشيرًا إلى أنه يحب مصطلح “الصف الثاني”، ويعتبر أنّ كل فنان محترف في دوره.
وتابع: “لما أقول على فنان إنه صف ثاني أو ثالث كأني بهــ ـينه: “معنديش حاجة اسمها بطولة مطلقة، يسرا مش بطلة مطلقة السنة دي، معاها مي كساب وشيماء سيف وغادة عادل، وريهام حجاج معاها ناس كتير، ونيللي كريم كذلك .. مفيش حاجة اسمها بطل مطلق لأننا مش بنلعب تنس، المخرج بطل والمونتير بطل”.
وكشف حقيقة تفضيله “الشللية” والإنتاج لأسماء محددة دون عن الفنانين الآخرين، موضحًا: “مش بالظبط كده، لكن عندنا أبطال وبطلات للشركة، لهم دور في الشركة، بنكمل مشوارنا مع بعض، وبالتالي، المنطق الطبيعي، لو قدرتي أنتج 2 مسلسل أو 3 مسلسلات سأكمون مهتما ببطولاتي”.
