نشرت الفنانة المصرية سهام جلال صورة حديثة جمعتها بالساحر ولاعب خفة اليد عزام، على شاطئ البحر، وذلك على حسابها على موقع “الفيس بوك”.
هذه الصورة تسببت في إطلاق الكثير من الأنباء حول زواجهما، وهو ما دفع الفنانة المصرية للخروج عن صمتها لتكشف الحقيقة.
سهام نفت وجود أي علاقة ارتباط تجمعها بالساحر عزام، حيث قالت: “مش معنى إني أنزل صورة مع صديق ليا يبقى تربطني به علاقة أو اتجوزته، ده أصغر من أخويا الصغير والجمهور بقى مستفز جداً”.
وأضافت: “أنا وعزام تجمعنا صداقة فقط، وهو ولد ساحر وشاطر جداً، وأنا نزلت الصور دي على أساس إني بعمله دعاية لأنه شاطر في شغله جداً، ولكن كلام الناس على مواقع التواصل الاجتماعى اتسببلى في كآبة”.
وتابعت: “أنا واحدة في حالي جداً ومن الفنانات اللي لا ليا صورة فيها مشكلة أو حدث ولا عمري طلع عليا شائعة، وأنا لو اتجوزت أو اتخطبت هاقول هخاف من إيه”.
وأكملت: “جمهور السوشيال بقى متطاول زيادة عن اللزوم على الفنانين، وبيدخل يقول تعليقات سخيفة وكمان بيقيم العلاقة من صورة، نفسى يحطوا نفسهم مكاننا، انا لو دخلت وقلت على أختك أو زوجتك كلمتين بسبب صور مش هتضايق أو أهلها مش هيضايقوا، ياريت تراعوا ربنا في الكلام اللي بتكتبوه”.
