تصدر اسم الفنان عمرو وهبة جميع مؤشرات البحث في الساعات الأخيرة، وذلك بسبب حملة الهجوم التي تلقاها من قبل الجمهور، بعد تعمده تجاهل الفنانة الراحلة دلال عبد العزيز وابنتها دنيا سمير غانم أثناء تهنئته لفريق عمل فيلم تسليم أهالي.

وجاءت التعليقات”: ليه كدة قلة الاصل .. فين اسم دلال عبد العزيز “.. وجاء تعليق آخر مفيش شكر لدنيا ودلال .. علي فكرة هما الاساس اصلا الناس هتدخل علشانهم مش عشانكوا وكمان هما اللي شهروكوا .. أيه الأسلوب ده. وفي تعليق آخر :” مباركتش لدنيا ليه .. في زعل”.

ونشر عمرو وهبة برومو الفيلم عبر حسابه على “إنستجرام” وعلق كاتبا: “الفيلم ده انا بحبه ومتحمس له جداً ومستنيه من زمان ومبسوط إني مشارك فيه بجزء بسيط وأعتقد إنه مش بس هيبقى من أهم أفلام السنة لكن أعتقد كمان انه هيبقى من اهم الافلام الكوميدى اللي هتعيش واللي ممكن تفتحها وتتفرج عليها أي وقت”.

تابع عمرو وهبة : “ألف مبروك لهشام جمال صديقي المنتج الفنان الشاطر ولشريف نجيب المؤلف الجامد جداً جداً وللمخرج الأستاذ خالد الحلفاوي اللي ما شاء الله كل أعماله ناجحة ومحبوبة وألف مبروك لكل كاست وكرو الفيل.. ادخلو الفيلم وهتتبسطوا على مسئوليتي.

وكان  عمرو وهبة قد شارك مسبقا في مسلسل النجمة دنيا سمير غانم،  بدل الحدوتة 3 ، تأليف أيمن وتار،وإخراج خالد الحلفاوى، وإنتاج شركة سينرجى بمشاركة رزناما للمنتج هشام جمال.

وقال عمرو وهبة، إنه سعيد جدا بالمشاركة وعبر، عن سعادته البالغة بمشاركته فى العمل قائلا إنه وافق على المسلسل قبل قراءة الدور، نظرا للأسماء المشاركة فيه وفخره بالعمل معهم.