تركت وفاة الفنان الراحل محمود ياسين أثرا حزيناً في نفوس جمهوره ومحبيه الذين ارتبطوا كثيراً بأعماله المميزة وشخصيته الحميدة المتواضعة، وراح كل شخص من هذا الجمهور يعود بالوراء لذكرياته مع هذا النجم الكبير وأدواره المختلفة على الشاشة الصغيرة والفضية.

لكن هناك شخص آخر تذكر موقفاً طريفا حدث له بسبب محمود ياسين وهو الدكتور ناصر فؤاد الأمين العام السابق للهيئة الاقتصادية لقناة السويس، قائلا عبر منشور على موقع التواصل الاجتماعي: “الفنان العبقري ذو الصوت المميز محمود ياسين له قصة معي رغم إني مشفتهوش ولا شافني، ومن حوالى 30 سنة كان فيه مشكلة في أنك تركب تليفون وفي معظم السنترالات، وبتاخد سنين وسنين علشان تركب تليفون، كنت قدمت وأنا في الجامعة على ما أتذكر على تليفون باسمي في بيت والدي”.

وأكمل الدكتور ناصر فؤاد: “اتجوزت وعزلت وبعد سنه من جوازي جه جواب بإن الدور جه على،  ولازم أروح السنترال علشان أتعاقد وأركب التليفون، رحت السنترال قالوا حرام تسيبه بعد السنين دى والناس بتدفع دلوقتى 2000 جنيه علشان تركب تليفون فوري، وانت جايلك عادي مش فوري، واقترح واحد منهم بما اني معنديش تليفون تاني انقله على عنوان سكني الجديد”.

وأضاف الدكتور ناصر: “فعلا قدمت طلب وبعد اسبوع فوجئت بأنهم طلبونى للتعاقد ، رحت سنترال الدقي، اتعاقدت والموظفة على الشباك قالت خد الدفتر اختار لك رقم ، بعد الفحص كل الارقام المتاحة صعب جدا تحفظها لان رقم التليفون ملهوش علاقة ببعض، قلت لها مفيش ارقام تانيه، راحت مشاورة لساعي عندهم جه وقالي انا عندي ارقام مميزة بس الرقم بخمسة جنيه، خمسة جنيه كانت تجيب حاجات كتيرة، المهم ادانى رقم 708065 رقم مميز جدا، اخدت الرقم وبعد كام يوم ركب التليفون وبعد كام يوم اشتغل وكله تمام “.

“فجأة بدأ يرن بلا انقطاع مكالمات جايه من الدول العربية كلهم ستات وفي انصاص الليالي، ممكن الساعة ٣ صباحا، كلهم عايزين محمود ، المصادفة ان ابني محمود كان عنده 4 سنين وانا مستغرب جدا، وطبعا اقول لهم ان النمرة غلط ، لحد ما واحدة اتصلت في وقت الغداء و محمود ابني رد عليها فقالت له عايزة اكلم بابا، الولد مكدبش خبر وجه قالي واحدة بتكلم بطريقة غريبة عايزة حضرتك، قمت رديت عليها، لقيتها بدأت فى كلمات اعجاب وانها من الخليج ومش بتديني فرصة ارد حتى، اخيرا قلت لها انت عايزة مين بالظبط، قالت انت صوتك مش صوت محمود قلت لها لأنى ابوه مش هو، سألتنى فين محمود، قلت لها عايزاه فى ايه ، الرد انا من اشد المعجبين بالفنان محمود ياسين وتعبت لحد ما جبت نمرته، هنا بس عرفت ليه التليفون مبيبطلش رن طول الوقت، التليفون كان خاص بالفنان العظيم محمود ياسين الله يرحمه ورجعه بعد ما اتعرف الرقم واصبح ازعاج مفيش زيه واخد رقم جديد خلاه سرى ، واخدت أنا المقلب وكمان دفعت فيه 5 جنيه”.

كان النجم الكبير محمود ياسين، قد رحل عن عالمنا في 14 أكتوبر 2020، بعد صر اع مع المـ ـر ض عن عمر ناهز 79 عاما، وكان آخر ظهور له منذ شهر مايو 2020، بعد نشر ابنته الفنانة رانيا محمود ياسين صورة تجمعها بوالدها وزوجها الفنان محمد رياض، وذلك عبر حسابها على “إنستجرام”.

ونشر قبلها حفيده محمود عمرو صورة تجمعه مع جده النجم الكبير محمود ياسين، بعد عدة شا ئعات كانت قد انتشرت عن وفا ته وقتها.

وكان آخر ظهور سينمائي لمحمود ياسين في عام 2014، حينما شارك في بطولة فيلم “جدو حبيبي”، بينما كانت آخر أعمال الفنان محمود ياسين هي المسرحية الغنائية “مصر فوق كل المحن” وشاركه فيها عدد كبير من النجوم.