اتهم والد الفنانة الشعبية بوسي، والذي يدعى محمد شعبان، ابنته بأنها رفضت علاجه، وهو ما دفعه للجوء للفنان هاني شاكر، نقيب المهن الموسيقية، ليجد له حلا.

بوسي ردت على اتهامات والدها، خلال استضافتها في برنامج “معكم منى الشاذلي”، حيث أكدت أن الهجوم الذي تعرضت له من والدها جزء من الحملة ضدها بهدف تشويه صورتها.

وأضافت: ” لو جوايا نار مش هينفع أغلط، عشان هو في الأول والآخر أبويا، لما الضربة في ضهرك تيجي من أقرب الناس ليكي، معنديش حاجة أقولها”.

وتابعت: “لو أنا عاقة مكنش يبقى عندي 15 سنة وأطلب من أمي اشتغل عشان أشيل عنها الحمل شوية، أنا أبويا مطلق أمي وهي حامل فيا في شهرين، طلعت مالقيتش أبويا”.

وأكدت أنها فوجئت بكلام والدها عنها، على الرغم من أنها كانت قد أرسلت له أموالا قبل كلامه عنها بيومين، كما أنها أخبرته أنها سترسل له أموالا أخرى.

وأوضحت: “مفيش علاقة بيني وبين أبويا، أمي كل حاجة في حياتي، أمي وأهلها هما اللي ربوني، وأنا كنت بشوف أبويا في الشارع بالصدفة، ومكنتش بعرف أقوله يا بابا”.

واستطردت: “هو اتجوز كتير بعد أمي وعندي أخوات من الأب ووالدي مكنش بيصرف عليهم برضه، وهو كان فين طول السنين اللي فات، لما كنت في عز المشاكل ومستنية حد من أهلي يقف معايا”.

وكان والد بوسي قد قال، في تصريحات صحفية، إنه رجل مسن يبلغ من العمر 77 عاما، ويعاني من عدة أمراض ضمنها حساسية شديدة وعدوى بالعين يحتاج لعلاجها سريعا.

وأكد أنه لم يرى ابنته بوسي منذ 4 سنوات، كما أنها تمتنع عن مساعدته بالمال، مضيفا: “عايز أطمن عليها حياتها عاملة إيه، عايز أشوفها عايزها تحن عليا هي تشوفني، يعني أشحت ولا أمد إيدي دي عيبة في وشها”.