شاركت دارين حلمي ملكة جمال الكون سابقا، مقاطع فيديو لها خلال غنائها “كرهتيني في الحب” للنجم تامر حسني، عقب نشرها بيان، لتوضيح طبيعة علاقتها بالفنان تامر عاشور، عبر حسابها الرسمي على موقع “إنستجرام”.
وظهرت “دارين” خلال دندنتها “ألف سلامه طريقك وردي.. وقتك عدى وقتك فات.. خدت كتير من عُمري ووقتي.. يلا كفايه بقى وألوهات.. كرّهتني في الحب وسيرته.. وقلبي وطيبته وشوفت معاك.. أيام صعبه الله لا يعيدها.. بس في بيتها هروح وانساك.. وأبقى قابلني أن حَد بجد عمل رُبع اللي عملته معاك”.
وكانت قد خرجت ملكة جمال الكون السابقة، عن صمتها بشأن الشائعات المتداولة حول قصة انفصال تامر عاشور وزوجته، عبر حسابها الرسمي بموقع تبادل الصور والفيديوهات “إنستجرام”، خلال بيان لها.
استشهدت دارين في بداية حديثها بقوله تعالي: “يَا أَيُّهَا الَّذِينَ آمَنُوا إِنْ جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ”.
واستطردت: “نظرًا لاتهامات وإشاعات اتوجهت لي الفترة اللي فاتت وبدون وجه حق، كان لازم أخرج عن صمتي وأوضح موقفي لإن مش دارين اللي تاخد راجل متجوز أو تكون سبب في خراب بيت حد، وبالتالي مليش ذنب في أي حاجة، تامر دخل البيت من بابه وأتقدم لأهلي رسمي على أساس أنه مُطلق وده اللي أنا كنت فاهماه زيي زي جمهوره”.
وتابعت دارين “عادي إن بنت ترتبط براجل مُطلق مش أزمة، وحصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت أن لسه زوجته على ذمته وفيه قضايا بينهما، ولم يتم الانفصال بشكل رسمي”.
وتابعت خطيبة تامر عاشور السابقة: “أي بنت في الموقف ده طبعًا لازم تنسحب مهما كان الحب، ومهما كانت العواطف لأن مش دارين حلمي اللي تاخد راجل من زوجته مهما كان هو مين، كده كده أنا كنت مستمرة في مسابقات ملكات الجمال وليا الكارير الخاص بيا، فكل مرة بقرر الانسحاب كان تامر بيرفض، وإن كده كده الطلاق قائم سواء أنا في حياته أو لأ وده مش يخصني في شيء”.
