أحيا الفنان تامر حسني حفل غنائي كبير بـ “زيد بارك”، مساء الجمعة 20 نوفمبر، بحضور عدد كبير من النجوم.
وقد حرصت الفنانة المغربية بسمة بوسيل على حضور حفل زوجها، والتقطت صورة معه في كواليس الحفل.
ويعد هذا هو أول ظهور لتامر حسني مع زوجته بسمة بوسيل بعد تصالحهما مؤخرا، حيث كانت قد أعلنت بسمة بوسيل عن انفصالهما وتجهيزهما أوراق الطلاق.
حيث كتبت: “لكل الناس اللي بتبعتلي صور وفيديوهات لتامر وشايفة إنه مش بيعملي احترام سواء في صور أو فيديوهات يا ريت تبطلوا تبعتولي أي حاجة عشان مش فارقلي أي صور”.
وعلق الفنان تامر حسني، على نبأ انفصاله عن زوجته بسمة بوسيل، عبر خاصية «الاستوري» الخاصة به على موقع الصور والفيديوهات “إنستجرام”.
وكتب حسني: “بسمة حبيبتي للأسف إنتي مفكرتيش كويس، وسلمتي ودنك لشر السوشيال ميديا عشان كام تعليق كلامهم فارغ نسوكي إنك عرفتيني وأنا مشهور ودي طبيعة شغلي اللي عرفتيني وحبيتيني بيها”.
وأضاف: “إزاي وصلوكي للزعل والبعد فترة، المهم أنا مش هزعل منك ولا يرضيني زعلك، وانتي حبيبتي وأم ولادي، أنا ضهرك وسندك ومهما حصل، بس اللي عايز أقوله لعل نكون سبب خير في توعية ناس كتير”.
وتابع: “ليه لما أي حد بيزعل من حد بيطلع يكتب عليه في السوشيال ميديا، طب حتى يكلمه الأول، إيه علاقة الناس بمشكلة شخصية بين اتنين ممكن تتحل بالتليفون أو في زيارة، وياريت مشكلة أصلا، ربنا جعل ما بينا مودة ورحمة، عشان كدا للأسف إنتي عارفة إن فيه ناس في طبيعتهم حب وخراب البيوت”.
واختتم: “ياريتك تركزي مع طاقة الناس اللي دعولنا ودعوا لأولادنا بكل خير، والفنانين اللي سعوا في الخير لينا، أنا عارف إنك زعلتي إنك كتبتي كده، وده تهور منك، إحنا بينا حب غالي وحياة كريمة.. بحبك يا متهورة”.
فيما ردت بسمة بوسيل، على كلمات زوجها النجم تامر حسني، والذي عبر فيها عن حبه لها وعدم رغبته في الانفصال عنها.
وكتبت بسمة بوسيل عبر خاصية “ستوري” على حسابها الرسمي بموقع الصور والفيديوهات الشهير “إنستجرام”: “فعلا اتهورت بس عشان بحبك”.
